ديو گري (راڳڻي): بلاول ٺاٺ جي اوڍو سمپورن راڳڻي آهي. هي بلاول جو هڪ قسم آهي، جنهن ۾ ڪلياڻ ٺاٺ جا ڪجهه انگ رکيل آهن. هن راڳڻيءَ ۾ وادي سُر کرج ۽ سموادي سُر پنچم ٿئي ٿو، پر ڪن گرنٿن ۾ امروهي ۾ ڌيوت ۽ گنڌار ڪو نه ٿئي. ڪنهن ڪنهن وقت ڳائڻ وارا ٿوري تيور مڌم جي مرڪ ڏيندا آهن، بلاول ٺاٺ جي راڳن ۾ اها خوبي آهي ته امروهيءَ ۾ هميشه بلاول جي صورت واضح ٿئي ٿي، جيڪڏهن مڌم تيور هن ۾ زياده لڳايووڃي ته هي راڳ يمني بلاول جو ڏيک ڏيندو. رات جي ڳائڻ وارا راڳ گهڻو ڪري آروهيءَ ۾ ظاهر ٿيندا آهن ۽ ڏينهن جي ڳائڻ وارا راڳ امروهيءَ ڪن پنڊتن ديوگريءَ ۾ پنچم کي ورج ليکيو آهي، پر ’لڪش سنگيت‘ جو ليکڪ ان کي سٺو نٿو سمجهي.
هن جي آروهي: سا ني ڌي ني ڌي سا ري گي- گي ما گي- پا ڌي ني ڌي سَا ۽ امروهي: ساني ڌي ني پا ما گي ماري سا آهي. هن جي چال سا- ڌي سا – ري گي- ما ري سا، ۽ وادي سُر؛ کرج (سا) ۽ سموادي : پنچم آهي. جڏهن ته هن جي ڳائڻ جو وقت رات جو ٻيو پهر آهي، پر راڳ ساگر جي ليکڪ هن جي ڳائڻ جو وقت صبح ٻڌايو آهي.